Rantin' Rovin' Robin
There was a lad was born in Kyle,
But what na dee o' what na style,
I doot it's hardly worth th' while,
Ta be sae nice wi' Robin.Chorus
Robin was a rovin' boy,
Rantin' rovin', rantin' rovin'
Robin was a rovin' boy,
Rantin' rovin' Robin.Our monarch's hindmost year but ane
Was five and twenty days begun,
Twas then a blast o' Janwar' Win,
Blew handsel in on RobinChorus
The Gossip keekit in his loof,
Quo' scho wha lives will see th' proof,
This waly boy will be nae coof,
I think we'll ca' him Robin.Chorus
He'll hae misfortunes great and sma'
But ay a heart aboon them a'
He'll be a credit till us a'
We'll a be proud o' Robin.Chorus
But as sure as three times three mak nine,
I see by ilka score and line,
This lad will dearly like our kin'
So leeze me on thee, Robin.Chorus
Guid faith quo scho I doubt you Stir,
Ye'll gar the lasses lie aspar;
But twenty fauts ye may hae waur -
So blessins on thee, Robin.Chorus